Reitstall Stoiser / RFV Preding wie alles begann

Pferd hot’s do scho immer geben,
verbracht hom’s mit Kia ihr Leben.
Da Buschenschank woar Treffpunkt für nah und fern,
zamm ghuckt is ma do scho immer gern.
Ob Fuhrmann, Landwirt oder Reiter,
die Stimmung woar beim Stoiser immer recht heiter.
Die Landwirtschaft hoben’s mit Pferd betrieben,
a Fuhrwerk is besser als selber schieben.

Aber die Kutsch’n unds Fuhrwerk woarn bald ersetzt,
mitn Traktor über die Felder gwetzt
Wos tua ma jetzt nur mit die Pferd-
aufisitzen, an Versuch is es wert.

Hoch zu Ross über Wiesn und Wold,
der nächste Buschenschank kummt hoffentlich bold.
Dort kemma uns des Weines laben,
die Pferd wern scho allan ham traben.

Damit’s net immer is a wüde Rund biet ma die Leut an die ane oder andre Reitstund.
Der Schulbetrieb nimmt seinen Lauf- auch ohne Halle,
Wind und Wetter nimmt man gern in Kauf.
Ob jung oder olt hoben olle a Freid,
damals woars so und so ist no heit.

Es wurde fleißig geübt und trainiert,
des ane oder andre Turnier ausprobiert.
Im Dressurviereck hot’s begonnen,
homma auch anige Mascherln gewonnen.

Springen woll ma a, des woar uns bold kloar,
es wurde immer mehr von Johr zu Johr.
Ob Bua oder Madl, ob olt oder jung,
jeder hot bei uns sei Freid am Sprung

Wir hoben auch olte Traditionen net vergessen
und dann samma wieda auf da Kutschn gsessen.
Fleißig wurde mit der Kutschn gefoahrn,
so ist aus dem Reitclub der Reit- und Fahrverein Preding woarn.
Mit vü Eifer samma auf Pferd und Kutschn gsessen,
aber auf den Spaß homma in Preding nie vergessen.

Mitn Reiten tuan si di Kleinsten oft schwer, es wurde beschlossen,
a Voltigiergruppe muss her.
Das Turnen am Pferd, des mocht ihnen Spaß,
so gebens am Turnier inzwischen scho Gas.

Als Teilnehmer an so manchem Turnier samma weit uma gfoahrn,
bis ma selber san Veranstalter woarden.
Auf ana Wiesn hots damals begonnen,
heit reit ma wo früher die Fisch san gschwommen.

Gfreit homma uns früher-genauso wie heit,
wenns zu uns kumman san, die Reitersleit.
Wir bemühen uns für eich und des damma gern,
und hoffen ihr bleibts uns a in Zukunft net fern.